– 「又几好 可以同左手一起食饭。」
– 「简直係为我哋呢D毒_度身订做。」
– 「咪打边炉！同兄弟玩下呢味！」
– 「包唔包情人一个？」
– 「搭枱果个男人嚟, 仲同你唱傻女！」
我见各位嘅意见都相当正面，所以就立即落街做个调查先！
1.香港地道西餐 红番茄餐厅
第一站我去咗位于太子嘅红番茄餐厅。原来佢係位置非常近太子港铁站D出口，只有几十秒路程(如下图)，咁各位巴打就唔驶怕出街俾人认到啦！去到餐厅，老细对我相当热情，可能係我个样太靓仔啦。佢好快就话咗我知有乜1人情人节晚餐有乜食，包括有大龙虾同焦糖酥皮苹果批。套餐价钱大约为200元正。细心观察之下，我都发现餐厅有提供二人座位，话唔知可以同个靓女一人食一个一人餐，hehe。
红番茄餐厅 Tomato Special Cafe
太子店
地点： 太子砵兰街412号
日期及时间：07:30 – 22:30
电话：2328 2671/ 2328 2672
深水埗店
地点： 深水埗元州街13号地下
日期及时间：08:00-23:00
电话：2323 9609
2.Oh! My Dog! 有囡囡推介食
第二间调查嘅，就係位于葵涌嘅Oh! My Dog!，原先我上网发现有巴打推介呢间食汉堡包同热狗嘅小店，但再细心调查后就发现大件事啦，事关我见到有个好pure好ture嘅囡囡介绍试食。当我见佢咁真摰嘅笑容，我就知道一定要食！！！食物方面，1人餐有特大螺同特厚安格斯肉眼扒食，喂！D材料好似几得噃！套餐价钱係$398，考虑下啦！
图片
Oh! My Dog!
地点： 葵涌石篱大陇街153号怡胜花园地下2号舖
日期及时间：11:00-21:00
电话：3105 1991
更多非情人节的资讯：
交友 Apps@ZENOBEEBEE
下页续：哗！北欧简约生活美食 + 扮拍拖自拍攻略
3.哗！回忆中的西餐 椰林阁餐厅
椰林阁餐厅，有边个未食过？椰林阁充满我嘅中学回忆，一个月总有机会食次午餐，想当年我就係去椰林阁餐厅，先有机会学识餐卓礼仪！我查到椰林阁除咗提供二人情人节餐($348)，更可以用一人价钱去食($178)食。咁多野食，价钱上都ok嘅尼！
椰林阁餐厅
地点
日期及时间：7:00- 23:00
电话： 2317 0466
4.哗！北欧简约生活美食 IKEA
作为享受北欧简约生活的专家(其实係去食IKEA肉丸)，我当然识去食三份热狗再加三份肉丸。经过调查后，我发现美食部推出咗新年美食，包括带子伊麵！食完唔够饱可以再食三份热狗再加三份肉丸，perfect！食饱饱之后更可以去家具部行大运，话唔定重可以转角遇到爱。如果你都想享受最高的品味生活，识做啦？hehe。
宜家家居餐厅及咖啡室 / 美食站
九龙湾宜家家居餐厅及咖啡室
地点：九龙湾宏照道38号Megabox4楼
日期及时间：08:00-22:00
电话：3125 0888/3191 1188
铜锣湾 宜家家居美食站
地点： 铜锣湾告士打道310号柏宁酒店地库
日期及时间：10:30-22:30
电话：3125 0888
沙田 宜家家居餐厅及咖啡室
地点： 沙田乡事会路138号新城市中央广场L6
日期及时间：星期一至五: 08:00-22:00 星期六至日: 09:30-22:00电话：3125 0888
Bonus! 宅宅扮拍拖自拍攻略
如果大家担心比人知道食咗1人情人节餐，唔驶怕！等我教你拍可以以以乱真嘅拍拖相啦！方法好简单，你只需要一支脚架加一个长假髮就得。只要你将相机用脚架固定在椅后，然后用手拿起假髮，就可以扮到啦！记得记得加 Instagram filter就更 Sweet！记得唔好张张都锡锡，一步一步慢慢玩，先够真实感吗！
更多非情人节的资讯：
港台过年习俗各有趣@在香港生活的台南小空姐
年宵咩咩咩！精选旺角花墟年宵鸠呜笋货！
年宵咩咩咩！精选维园年宵鸠呜笋货！
